Hún titraði og skalf.

Það er greinilega allt hægt í Bandaríkjunum!  Hvenær skildi röðin koma að mér????

Tíu draumahögg á sama árinu er ótrúlegt en satt

Gott hjá Jónínu!

Það er gott hjá Jónínu Bjartmarz að kæra umfjöllun Kastljóssins til siðanefndar Blaðamannafélags Íslands. Það er nauðsynlegt að fá faglega niðurstöðu í fréttaflutning af þessu máli. Ég tel að ekki sé neitt við Jónínu að sakast í málinu, nema síður sé. Ef eitthvað er að athuga við þessa afgreiðslu Alsherjarnefndar eru það við nefndarmennina sjálfa sem á að sakast. Getur það verið að hægt sé að kaupa afgreiðslur mála hjá þingnefndum Alþingis?  Ef svo er þá eru líklega mörg mál sem þarf að skoða. Ef að þetta viðgengst í þingnefndum eru líklega þingmenn allra flokka sekir um að gæta ekki jafnræðis milli þegna landsins. Mér finnst bæði Össur Skarphéðinsson og Sigurjón Þórðarsson hafa látið í það skína að allt á milli himins og jarðar gæti viðgengist á hinu há Alþingi. En hef grun um að þeir hafi haft grun um að þeir gætu fiskað einhver athvæði út á þessa umræðu. Dapurleg aðferðafræði það!

Umhverfisráðherra ætlar að kæra umfjöllun til siðanefndar

Ætli VG endi í 12% fylgi?

Það er miklu áhugaverðara nú að horfa á fylgishrun VG heldur en staðnað fylgi okkar framsóknarmanna samkvæmt skoðanakönnunum. Fylgi VG virðist lækka mjög ákveðið sem nær líður kosningum. Flokkurinn virðist vera smá saman vera að missa trúverðugleika sinn, og kjósendur í auknu mæli búnir að sjá í gegnum forustumenn þeirra. Ég held að kjósendur muni í þessum kosningum dæma VG til ævarandi stjórnarandstöðusetu og að flokkurinn verði í framtíðinn smáflokkur með lítil áhrif.

Samfylkingin aftur fram úr VG

Ekki gott mál!

Þessi skoðanakönnun lofar ekki góðu fyrir Framsóknarflokkinn. Fylgishrun með ráðherra sem oddvita og konu í þokkabót. Það er allveg merkilegt hvað Framsóknarflokkurinn virðist tapa miklu fylgi um allt land á meðan Sjálfstæðisflokkurinn er að bæta við sig og virðist ætla að fá mjög góða útkomu í kosningunum. Hvað vantar hjá okkur í Framsókn? Vantar okkur kanski dæmda sakamenn ofarlega á okkar framboðslista. Mér sýnist Árni Johsen ætla að raka að sér fylgi sem aldrei fyrr.´Hvað skildu Sjálfstæðismenn gera við hann þegar hann fer að krefjast embætta á næsta kjörtímabili? Þeir munu örugglega gera hann að Dómsmálaráðherra til að koma í veg fyrir að menn verði dæmdir fyrir tæknileg mistök í framtíðinni.

Framsóknarflokkur tapar fylgi í Suðvesturkjördæmi

Húsavíkurræða Skúla Toroddsen

Fyrir áhugasama er hægt að kíkja á Húsavíkurræðu Skúla Toroddsen inn á vefslóðinni www.vh.is . Ég skora á áhugasama að lesa hana og sjá hversu forskammaðir þessir menn eru að bjóða okkur þingeyingum upp á svona málflutning á hátíðisdegi verkalýðsins.

Ég hef heyrt í fullt af fólki sem var að hugsa um að ganga út undir þessum áróðri. Ég var allveg kominn að því að ganga út undir þessum dylgjum og ómerkilegheitumm, en vildi það ekki þar sem konan mín sat við hliðina á mér og tengdaforeldrar við nálægt borð og sonur upp í stúku.

Misnotkun hátíðarhalda á Húsavík.

Misnotkun á hátíðarhöldum hér á Húsavík í dag voru dapurleg. Ég fór í fyrsta skipti á ævi minni á þessi hátíðarhöld nú í dag. Því miður þurfti ég að sitja undir afspyrnu lélegri ræðu framkvæmdastjóra Starfsgreinasambandsins Skúla Thoroddsen þar sem hann leyfði sér að dylgja bæði um málefni og fjarstaddar persónur. Það er með ólíkindum að maðurinn í samstarfi við formann Verkalýðsfélags Húsavíkur skuli hafa boðið okkur upp á þennan málflutning á þessum fallega degi.Skúli Thoroddsen sagði í ræðu sinn að að velferðarkerfi þjóðarinnar væri í bráðri hættu ef ekki tækist að fella ríkistjórnina.  Einnig tönglaðist hann stanslaust á því að við værum græn og við værum til vinstri og þar af leiðandi værum við rauð. Ég skildi ekki af hverju hann var alltaf að tala um þetta. Þarna sat ég sem er grænn og á miðjunni og hvorki gulur, rauður, grænn eða blár. Hann dylgjaði um að það væri stefna Framsóknarflokksins að einkavæða Landsvirkun á næstunni og það ferli væri hafið. Hann dylgjaði um það að Kjartann Gunnarsson væri á leiðinni í forstjórastól Landsvirkjunar. Er Friðrik að hætta?? Hvað veit þessi maður um þetta?  Hann reyndi að telja okkur trú um að þeir allir þeir aðilar sem lifðu eingöngu á fjármagnstekjum greiddi ekki sína skatta til samfélagsins.  Ömurlegir þessir tilburðir Samfylkingarinnar og VG að gera þá sem greiða fjármagnstekjuskatt að einhverjum skattsvikikörum. Ég hélt á tímabili að ég væri staddur á Landsfundi Samfylkingarinnar, en þá mundi ég eftir inngangsorðum ræðumanns þar sem hann talaði um að Starfsgreinasambandið væri fylgjandi því að álver verði reist við Bakka við Húsavík. Hver skildi hafa sagt honum að segja þetta?? Jú það hefur líklega verið Aðalsteinn Baldursson formaður Verkalýðsfélags Húsavíkur og nágrenis sem sagði honum að hann yrði að minnast á þetta með afgerandi hætti til að draga Samfylkinguna að landi hér á svæðinu. Ekki hefur Samfylkingin sagt þetta þar sem hún hefur boðað stopp og frestun á þessar framkvæmdir. Einnig fer það alls ekki saman að tala um nauðsyn þess að byggja álver á Bakka og nauðsyn að koma þessari ríkistjórn frá, þar sem bæði Samfylkingin og VG ætla sér að stöðva þess fyrirhuguðu framkvæmd. 

Verkalýðsdagurinn upprunnin.

Verkalýðsforkólfar munu eflaust fagna hversu mikið hefur áunnist í málefnum launafólks á undanförnum tólf árum, sem hefur leitt til stóraukins kaupmáttar landsmanna. Meðal þess sem áunnist hefur er að koma á feðraorlofi, lítið atvinnuleysi, fjölbreyttara atvinnulíf, stóraukið aðgengi að menntun fyrir alla landsmenn, lækkun á tekjuskatti, hækkun skattleysismarka, hækkun á frítekjumarki elli- og örorkulífeyrisþega, hækkun bóta í almannatryggingakerfinu, tekjutenging atvinnuleysisbóta, hækkun barnabótaaldurs í 18 ár, hækkun bóta almannatryggingakerfisins, hækkun á lánshlutfalli íbúðalána Íbúðarlánasjóðs í 90% og lækkun virðisaukaskatts á matvæli. Vissulega er verkefnalistinn miklu lengri og öll miðast verkin við að bæta búsetuskilyrði allra landsmanna óháð búsetu.

Verkalýðsforkólfar hljóta að hvetja stjórnvöld og landsmenn alla að halda áfram á sömu braut og krefjast árangurs áfram og ekkert stopp.

Jón góður í Kastljósinu.

Gaman að sjá hversu góður og öruggur Jón Sigurðsson formaður Framsóknarflokksins var í Kastljósinum nú í kvöld. Það er greinilegt að þarna fer maður sem hefur yfirgripsmikla þekkingu á sínu viðfangsefni. Hann svaraði öllum fyrirspurnum á skýran og góðan hátt, fyrirspyrjendur komu ekki að tómum kofanum hjá honum.  Hann kom vel til skila að áfram verði haldi á sömu braut í að bæta öll búsetuskilyrði okkar íslendinga. Hann var einstaklega rólegur og  kom mjög vel fyrir. Ég held að hann hafi stimplað sig mjög vel inn í þessum þætti sem mun skila sér vel í kosningunum. Markmið hans í pólitík er skýrt.   Árangur áfram og ekkert stopp.

Hitamolla í Norðurþingi.

Hitinn í Ásbyrgi mældist 22,6°C!

Þetta er ótrúlegt en líklega satt. Sjálfur sit ég hér á Húsavík í hitamollu. Það er svo heitt að maður helst ekki við á sólpallinu! Ég leita skjóls innan dyra og er farinn að velta fyrir mér að fá mér loftkælingu í húsið, svipað og suðurevrópubúar hafa í sínum híbýlum. Ef þetta er forsmekkurinn að sumrinu er eins gott að vera við öllu viðbúinn. Við hreinlega horfum á tré og annan gróður grænka í þessari vorblíðu. Fuglar syngja sína fallegustu söngva og mannfólkið gengur fáklætt um götur og stræti. Sléttur Skjálfandaflóinn skartar sínu fegursta með Kinnafjöllin og Flatey í baksýn. Ferðamenn mættir á svæðið og hvalaskoðunarfyrirtækin eru að vakna úr vetrardvala.

 

Hitinn í 23°C í Ásbyrgi samkvæmt sjálfvirkum mæli

Ný könnun RÚV í Norðausturkjördæmi.

RUV birti nýja könnun í Norðausturkjördæmi áðan. Í könnunni kemur fram að Sjálfstæðisflokkur er með 28% fylgi og þrjá menn. Framsóknarflokkur  er með 21,9% fylgi og tvo menn. Vinstri Grænir eru með 23,9% og tvo menn. Samfylking er með 19,7% og tvo menn. Sérstaklega er ég ánægður með niðurstöðu Framsóknarflokksins hér í Þingeyjarsýslum þar sem hann mælist með 31,7% og þar með eigum við ekki langt í að ná kjörfylgi okkar í sveitarstjórnarkosningunum 2006 í sveitarfélaginu Norðurþingi.

Tvennt vekur mikla athygli í þessari könnun, það er hversu lítið fylgi Steingrímur J. Sigfússon og VG hefur í sinni heimasýslu miðað við flugið á VG á landsvísu. Hitt er að VG er með meira fylgi en Sjálfstæðisflokkurinn á Akureyri. Sérstaklega miðað við að Sjálfstæðisflokkurinn er með fyrrverandi bæjarstjóra Kristján Þór Júlíusson í fyrsta sæti, en hjá VG er einungis Akureyringur í fjórða sætinu.