Jón góður í Kastljósinu.

Gaman að sjá hversu góður og öruggur Jón Sigurðsson formaður Framsóknarflokksins var í Kastljósinum nú í kvöld. Það er greinilegt að þarna fer maður sem hefur yfirgripsmikla þekkingu á sínu viðfangsefni. Hann svaraði öllum fyrirspurnum á skýran og góðan hátt, fyrirspyrjendur komu ekki að tómum kofanum hjá honum.  Hann kom vel til skila að áfram verði haldi á sömu braut í að bæta öll búsetuskilyrði okkar íslendinga. Hann var einstaklega rólegur og  kom mjög vel fyrir. Ég held að hann hafi stimplað sig mjög vel inn í þessum þætti sem mun skila sér vel í kosningunum. Markmið hans í pólitík er skýrt.   Árangur áfram og ekkert stopp.

Athugasemdir

[Guðmundur Jónas Kristjánsson, 29.4.2007 kl. 21:13]

Jón Sigurðsson  stóð sig ákaflega vel í sjónvarpinu í kvöld. Ef einhver ætti skilið
að komast á þing þá er það hann. Vill svo til að hann er í mínu kjördæmi þannig
ég mun ekki vera  í vandræðum með mitt atkvæði. Og baráttukveður til ykkar  fyrir
austan. Þetta er allt að koma!

[Páll Jóhannesson, 29.4.2007 kl. 21:32]

Þú hlýtur að vera grínast ? - Jón var algerlega úti á túni - eins og flestir úr þessum forna bændaflokki enda eiga þeir að vera úti á túni 

[Guðmundur Jónas Kristjánsson, 29.4.2007 kl. 21:57]

Gott að vera út á túni Páll og anda að sér hreina fjallaloftinu. Verra að vera
nirðri skurði og komast hvergi eins og þið kratar í dag........

[Jóhanna Guðmundsdóttir (IP-tala skráð) 29.4.2007 kl. 22:05]

Tekur undir hvert orð hjá þér Guðmundur, Jón var góður í kvöld.

[Kristján Pétursson, 29.4.2007 kl. 22:19]

Hafa búsetuskilyrði batnað á undanförnum árum í litlum sjávarbyggðum?Skyldi framsal og leiga á kvóta hafa eitthvað með það að gera?Hvaða flokkar stóðu fyrir því að  fiskurinn sameign þjóðarinnar var afhentur nokkrum flokksgæðingum í útvegi? Ég heyrði ekki Jón form.ræða neitt um þetta.

[Páll Jóhannesson, 29.4.2007 kl. 22:50]

Já það er svo margt í dag sem Framsóknarmenn vilja ekki ræða - ég skil það vel - þeir vilja auðvitað að það fenni í sporin sem allra allra fyrst 

[Gestur Guðjónsson, 30.4.2007 kl. 00:18]

Ánægður með Jón. Skil vel að kratarnir fari í fjóshauginn að leita að lýsingum