Þetta er allt að koma hjá Jóni.

Framsóknarflokkurinn mælist nú með 7% í Reykjavík norður og vantað aðeins herslumunin að ná inn Jóni Sigurðssyni sem kjördæmakjörnum þingmanni. Það er afar mikilvægt fyrir okkur framsóknarmenn að formaðurinn fái góða kosningu og nái örugglega kjöri í kosningunum þann 12 maí n.k.

Einnig er minnkandi fylgi VG að verða mjög áberandi í þessum skoðankönnunum. Það verður spennandi að sjá hvort þeir fái meira eða minna upp úr kjörkössunum en allar þessar kannanir hafa verið að gefa til kynna. Ég held að þeir fái minna.

Gallupkönnun: Formaður Framsóknar nær ekki kjöri

Athugasemdir

[Guðmundur Jónas Kristjánsson, 6.5.2007 kl. 20:23]

Jón mun sigra! Sem kjósandi í hans kjördæmi greiði ég honum glaður atkvæði mitt
og skora á kjósendur þar að gera slíkt hið sama. Ef einhver á virkilegt erindi á
Alþingi Íslendinga er það Jón Sigurðsson.

[Örn Arnarson, 6.5.2007 kl. 21:41]

Hvað í ósköpunum segir að hann eigi erindi á Alþingi?  Það er ekki síst hugmyndafræðin sem liggur að baki Jóni sem þjóðin er að hafna.  Það getur vel verið að hann sé vel gerður og duglegur, en það er líka annað fólk sem stendur bara einfaldlega fyrir betri hugmyndafræði.  Enn og aftur er það að sýna sig að þeir sem fara í samstarf með Sjálfstæðisflokki nánast þurrkast út.  Halda mætti að Sjálfstæðisflokkurinn sé í raun vampíra sem sýgur allt blóð úr "samstarfsflokkum" sínum.

[amman (IP-tala skráð) 6.5.2007 kl. 21:47]

Ég mun hiklaust kjósa Jón Sigurðsson.  Hann er eini oddvitinn  í mínu kjördæmi, sem eitthvað vit er í!

Ég er að gera mitt besta til að tryggja það að hann verði kosin og gengur alveg ágætlega í þeim efnum! 

Mitt "stærsta" vandamál þessa dagana er að tala son minn til, sem hefur verið að sveiflast á milli VG og Gulla Þórs!!!!!  En ég var nú einu sinni ung líka, og veit að menn þroskast með aldrinum!