Hvað meinar Kristján Möller?

Kristján Möller fer hér um hérað og reynir að telja okkur íbúum í Þingeyjarsýslu trú um að Samfylkingin vilji að reist sé álver við Bakka á Húsavík. Hver er stefna Samfylkingarinnar í stóriðjumálum?

í Fagra Ísland segir eftirfarandi.

Í kjölfar Kárahnjúkavirkjunar er tímabært að Íslendingar skipti um gír, tryggji jafnræði atvinnugreina og byggi skipulega upp atvinnulíf framtíðarinnar þar sem náttúrugæði landsins eru nýtt með sjálfbærum hætti. Samfylkingin leggur til að við núverandi aðstæður verði frekari stóriðjuáformum slegið á frest. Nú þarf áhersla á hátækni- og þekkingariðnað að haldast í hendur við nýsköpun í ferðaþjónustu og hefbundnum atvinnugreinum, sjávarútvegi og landbúnaði.

Einnig segir í Fagra Íslandi.

Að ákvörðunum um frekari stóriðjuframkvæmdir verði frestað þangað til fyrir liggur nauðsynleg heildarsýn yfir verðmæti nátturusvæða Íslands og verndun þeirra hefur verið tryggð.

Einnig leggur Samfylkingin til í Fagra Ísland  að Skjálfandafljótið verði friðað.

Allt í þessu segir mér að málflutningur Kristjáns Möller hér í kjördæminu sé einn blekkingarleikur í von um athvæði og hann tali alls ekki í takt við stefnu Samfylkingarinnar í þessum málum.

Það er nefnilega þannig að ákvörðun um byggingu álvers hér við Húsavík verður tekinn innan fimmtán mánaða í síðasta lagi, og líklega verður ákvörðunnin tekinn á næstu átta mánuðum.

Það að leggja það til að Skjálfandafljótið verði friðar áður fyrir liggur hvernig orkuöflun álversins á Bakka verður háttað fer alls ekki saman við það þykjast að vera stuðningsmaður álvers.  Það er ekki hægt að loka alfarið á það á þessum tímapunkti að við þurfum ekki að nýta þá vistvænu orku sem virkjun Skjálfandafljótsins felur í sér til atvinnuuppbyggingar hér í héraðinu. Það er nauðsynlegt að ransaka háhitasvæðin hér vel áður enn ákvörðun um slíkt er tekinn.

Þingeyingar góðir og norðlendingar allir ég vara ykkur við að trúa málflutningi Samfyklingarinnar í málefnum sem snúa að uppbyggingu á álveri við Bakka. Þarna er úlfur í sauðagæru, stefna Samfylkingarinnar boðar ekkert annað en stopp á okkar góðu áform.

Athugasemdir

[Jóhann Rúnar Pálsson, 6.5.2007 kl. 10:53]

Sæll vertu!

Nú er spurningin sú hvort Samfylking og Sjálfstæðið sé þegar búið að ákveða stjórnarsamstarf. Samkvæmt því sem Kristján Þór Júlíusson á að hafa sagt á fundi á Dalvík í liðinni viku að þá verður það niðurstaðan hvernig sem kosningarnar fari. Þá verður bara spurningin sú hvað flokkarnir tveir eru tilbúnir að fórna af sínum stefnumálum. Við getum gleymt allri stóriðju hér, landbúnaðurinn verður í uppnámi (afnám verndartolla), heilbrigðisgeirinn einkavæddur. Mér er bara spurn! Kristján Þór reyndar gæti hafa gleymt því að ekki dugar sami stjórnunarstíllinn á Alþingi og virðist hafa oft á tíðum ríkt á ferli hans sem bæjarstjóri þ.e. að fleiri þurfi að koma að ákvörðunartökunni en hann sjálfur.