Gefum Helga Seljan frí.

Mér sýnist að það verði að gefa Helga Seljan frí frá Kastljósinu fram yfir kosningar, hann virðist allveg heillum horfin í sýnum fréttaflutningi. Vinnubrögð hans og dylgjur eru allveg ótrúlegar, þegar hann bendlar Jónínu Bjartmarz við spillingu vegna afgreiðslu Allsherjanefndar á afgreiðslu á umsóknum um ríkisborgararétt. Bæði formaður nefndarinnar Bjarni Benediktsson og Guðrún Ögmundsdóttir hafa lýst því yfir að ekkert óeðlilegt hafi verið við afgreiðslu erindis kærustu sonar Jónínu í nefndinni. Líkleg ástæða fyrir þessari afgreiðslu nefndarinnar hítur að vera mannúðarsjónamið. Og okkur hinum í landinu kemur ekkert við hver sú mannúðarsjónamið eru.

Það eru allveg forkastanleg vinnubrögð hjá fréttamanni að ætlast til að stjórnmálamenn tjái sig um persónuleg mál umsækjanda í fréttatíma í sjónvarpi. Ætlaðist Helgi virkilega til að Jónína upplýsti alþjóð um persónuleg mál þessar kærustu sonar síns?  Eða að Bjarni Benediktsson og Guðrún Ögmundsdóttir  gerðu það líka. Ef þau gerðu það væru þau að brjóta alvarlega af sér í starfi.

Helgi virðist algerlega farinn á taugum yfir slæmi gengi  Samfylkingarinnar og alls ófær til að sinna sínu starfi.

Athugasemdir

[Heiða B. Heiðars, 27.4.2007 kl. 21:44]

Já..þvílík ósvífni í manninum að ætlast til þess að það fengjust svör við því að tengdadóttir ráðherrans fengi drottningaafgreiðslu á ríkisborgararétt! Manneskjan búin að vera hérna í heila 15 mánuði og alveg lágmark að tengdadóttir ráðherrans fái amk 4 sinnum hraðari afgreiðslu en aðrir! Skárra væri það nú!

[Guðrún Jónsdóttir (IP-tala skráð) 27.4.2007 kl. 21:53]

Það er alveg skelfilega sorglegt þegar fréttamenn, eins og Helgi Seljan, leggjast svona látt.  Fréttafluttningur á að vera á hlutlausum nótum, ekki að flétta inn í hann pólitík, hver svo sem hún er.