VG einangrunarsinnar!

Ég fæ ekki betur séð en að Vinstri grænir séu bæði öfgasinnaðir umhverfissinnar og einangrunarsinnar. Þeir eru harðir á móti erlendum fjárfestingum hér á landi. Þeir vilja ekki skoða kosti og galla þess að ganga í Evrópusambandið. Þeir vilja ekki taka upp Evru. Þeir virðast á móti útrás íslenskra fyrirtækja. ( það gæti verið hætta á að einhverjir muni græða vel á því.) Þeir vilja hrekja fjármagnseigendur úr landi með hækkun á fjármagnsskatti í 18% ( eða er það nú aðeins 14% ? ) Og nú síðast virðast þeir vera á móti við samstarfi og samningi sem gerður er við vinaþjóð okkar Noreg. Og meira segja eru þeir á móti samningum við þeirra eigin systurflokk í Noregi er að gera við Íslendinga.

Hvernig á að vera hægt að taka þennan flokk alvarlega? Hvernig haldið þið að þessi flokkur geti stjórnað landi?  Þeir hljóta að þurfa að vera á móti sínum eigin málum og enganvegin stjórntækir. 

Það er reynslan hér á Húsavík að VG sem nú er í minnihluta er orðin á móti sínum eigin málum sem þeir settu af stað þegar þeir voru í meirihluta hér. Ég að vísa til verkefnið með Alcoa um uppbyggingu á álveri á Bakka.

Erlendum herjum haldið við óþarfar og varhugaverðar heræfingar á íslensku yfirráðasvæði

Athugasemdir

[Guðrún Olga Clausen, 26.4.2007 kl. 22:29]

Já það er þetta með fjármagnseigendur sem kæra sig ekki um að taka þátt í rekstri samfélagsins. Það er skilningur fyrir því, svo að VG sér fyrir sér 14%fjármagnstekjuskatt. Ég er kennari og borga fulla skatta. Þökk sé þeim sem ekki vilja taka þátt. En Framsókn græðir ekki á því að benda á það sem þeir telja neikvætt í stefnuskrá annarra flokka. Þeim væri betra að segja kjósendum satt og rétt frá því hvað þeir hyggjast gera ef þeir fá umboð. Það virkar traustvekjandi á mig alla vega.

Góð baráttukveðja. 

[Dante, 26.4.2007 kl. 22:39]

En Guðrún!

Er ekki betra að fá þó það sem þeir borga nú þegar í fjármagnstekjuskatt heldur en ekki neitt sem verður raunin ef þeir fara?

Betra að fá eitthvað heldur en ekki neitt, eða hvað?