Misnotkun hátíðarhalda á Húsavík.

Misnotkun á hátíðarhöldum hér á Húsavík í dag voru dapurleg. Ég fór í fyrsta skipti á ævi minni á þessi hátíðarhöld nú í dag. Því miður þurfti ég að sitja undir afspyrnu lélegri ræðu framkvæmdastjóra Starfsgreinasambandsins Skúla Thoroddsen þar sem hann leyfði sér að dylgja bæði um málefni og fjarstaddar persónur. Það er með ólíkindum að maðurinn í samstarfi við formann Verkalýðsfélags Húsavíkur skuli hafa boðið okkur upp á þennan málflutning á þessum fallega degi.Skúli Thoroddsen sagði í ræðu sinn að að velferðarkerfi þjóðarinnar væri í bráðri hættu ef ekki tækist að fella ríkistjórnina.  Einnig tönglaðist hann stanslaust á því að við værum græn og við værum til vinstri og þar af leiðandi værum við rauð. Ég skildi ekki af hverju hann var alltaf að tala um þetta. Þarna sat ég sem er grænn og á miðjunni og hvorki gulur, rauður, grænn eða blár. Hann dylgjaði um að það væri stefna Framsóknarflokksins að einkavæða Landsvirkun á næstunni og það ferli væri hafið. Hann dylgjaði um það að Kjartann Gunnarsson væri á leiðinni í forstjórastól Landsvirkjunar. Er Friðrik að hætta?? Hvað veit þessi maður um þetta?  Hann reyndi að telja okkur trú um að þeir allir þeir aðilar sem lifðu eingöngu á fjármagnstekjum greiddi ekki sína skatta til samfélagsins.  Ömurlegir þessir tilburðir Samfylkingarinnar og VG að gera þá sem greiða fjármagnstekjuskatt að einhverjum skattsvikikörum. Ég hélt á tímabili að ég væri staddur á Landsfundi Samfylkingarinnar, en þá mundi ég eftir inngangsorðum ræðumanns þar sem hann talaði um að Starfsgreinasambandið væri fylgjandi því að álver verði reist við Bakka við Húsavík. Hver skildi hafa sagt honum að segja þetta?? Jú það hefur líklega verið Aðalsteinn Baldursson formaður Verkalýðsfélags Húsavíkur og nágrenis sem sagði honum að hann yrði að minnast á þetta með afgerandi hætti til að draga Samfylkinguna að landi hér á svæðinu. Ekki hefur Samfylkingin sagt þetta þar sem hún hefur boðað stopp og frestun á þessar framkvæmdir. Einnig fer það alls ekki saman að tala um nauðsyn þess að byggja álver á Bakka og nauðsyn að koma þessari ríkistjórn frá, þar sem bæði Samfylkingin og VG ætla sér að stöðva þess fyrirhuguðu framkvæmd. 

Athugasemdir

[Pétur Gunnarsson, 1.5.2007 kl. 20:59]

þetta er með algjörum ólíkindum, Gunnlaugur, og Kristján Gunnarsson, formaður SGS, hegðaði sér með líkum hætti að sögn Eysteins Jónssonar. Hvað ætli Björn Snæbjörnsson segi við þessu?

[Gunnlaugur Stefánsson, 1.5.2007 kl. 21:49]

Sæll Pétur! Ekki nóg með þetta þá talaði hann um mikilvægi þess að ganga í Evrópusambandið og að krónan væri handónýtur gjaldmiðill og það væri mikil þörf á að taka upp evru. Bullið í manninum var óskaplegt og algerlega fráleitt að bjóða fólki í hátíðarskapi að sitja undir þessum málflutningi. Enda þegar öll samkoman var búinn fór stór hluti fólks beint út án þess að smakka á fínu tertu Verkalýðsfélagsins.

[Níels A. Ársælsson., 4.5.2007 kl. 00:21]

Hvernig væri að bjóða Gulla litla í GPG hf, að halda næstu 1. mai ræðu fyrir Húsvíkinga ? Bein útsending frá Litla-Hrauni er nú ekki ónýtt fóður fyrir þreyttann verkalýðinn á Húsavík.