Opnun kosningaskrifstofu.

Áðan var glæsileg og fjölmenn opnunarhátíð á kosningaskrifstofu Framsóknarflokksins hér á Húsavík. Margir frambjóðendur voru mættir til að spjalla við heimamenn um verkefnið framundan. Verkefnið er að tryggja flokknum gott gengi í kosningunum þann 12 maí n.k.  Það mátti heyra á samkomugestum að sá áfangi sem náðist í álversverkefninu nú í vikunni var ofarlega í huga fólks. Frambjóðendur ítrekuðu stuðning sinn við málið og hétu því að vinna málinu brautargengi allt loka.

Veitingar voru hinar glæsilegustu, pönnsur, flatkökur og rúgbrauð með hangikjöti og reyktum silungi, ostar, bollur og fleira góðgæti framreitt af galdrahöndum Önnu Rúnu. 

Áfram árangur ekkert stopp og eflum atvinnulíf á norðurlandi með uppbyggingu stóriðju á Bakka við Húsavík.  

Ath.                                                                                                                                                  Það eru ekki skoðanir eða vilji þeirra sem búa í 101 Reykjavík sem ræður því hvernig við heimamenn byggjum upp atvinnulífið hér á þessu svæði. Heldur eru það íbúarnir sjálfir, fyrirtæki og sveitarstjórnarmenn sem fara með þessi mál. Einnig hef ég alltaf litið svo á að alþingismenn og ráðherrar eigi að aðstoða heimamenn í þessum málum eins og þeim er frekast unnt.

 

 

Athugasemdir

[Helga Sigrún Harðardóttir, 20.4.2007 kl. 16:20]

Gott að heyra af því Gunnlaugur hvað þið eruð brött í Húsavíkinni. Ég óska ykkur til hamingju með opnun kosningaskrifstofunnar og vona að það verði fullt út úr dyrum hjá ykkur fram yfir kosningar.  Hef nú reyndar grun um að lýsingar þínar á veitingum Önnu Rúnu tryggi ykkur góða mætingu!! Svo er mig nú farið að dreyma um veiðina í Laxárdalnum í sumar þar sem við Gulli minn (þið voruð jú skírðir í höfuðið á sama Gunnlaugnum) mætum með fríðum hópi vaskra veiðimanna ár hvert og dveljum í góðu yfirlæti hjá henni Maríu í marga daga... Engu líkt.

[Gunnlaugur Stefánsson, 20.4.2007 kl. 21:33]

Veitingar Önnu Rúnu klikka alldrei hún er mikilvægasti félagsmaðurinn í Framsóknarfélagi Húsavíkur að öðrum ólöstuðum.  Ekki er ég hissa að þig sé farið að dreyma um Laxárdalinn og allt það sem bíður þín þar. Ég átta mig ekki allveg á þessari tenginu Gulla þíns við afa minn sem ég er skírður eftir sem hét Gunnlaugur Sigurðsson frá Grund á Langanesi.