Temjum við okkur lífsstíl hófsemdar og hógværðar?

Biskupinn yfir Íslandi sagði í ræðu sinni í dag að við Íslendingar verði að líta í eigin barm og endurmeta lífstíl ágengni og sóunnar og temja okkur lífsstíl hófsemdar og hógværðar. Áherslan á endalausar framfarir, sívaxandi velsæld, mátt hins hrausta og sterka og stælta, er tál.

Þessi orð eru í tíma töluð hjá biskupinum og ættum við að taka þessi orð alvarlega. Samt held ég að íbúar höfuðborgarsvæðins ættu sérstaklega að taka þessi orð til sín. Ég fullyrði að ágirni og græðgi á því svæði sé miklu meiri en á öðrum svæðum á landinu. Það þarf ekki annað en að horfa í kringum sig á þessu mesta velsældar, vesældar og þenslusvæðis landsins til að sjá hvað þar er í gangi. Þarna er lifað hratt og hátt í mikilli einkaneyslu, sóun og græðgi. Fólk virðist vera jafnt og þétt að fjarlægjast hin gömlu og góðu gildi um jöfnuð og félagshyggju.

Við í sveitarstjórnin hér í Norðurþingi stefnum á að sveitarfélagið okkar verði sjálfbært og hafi burði til að veita öllum íbúum sínum þjónustu eins og best gerist á landinu. Markmiðið er að sveitarfélagið Norðurþing verði álitlegur kostur til búsetu fyrir unga og gamla um langa framtíð.

Athugasemdir

[Haukur Nikulásson, 8.4.2007 kl. 21:12]

Ég held að það sé óvarlegt og ómaklegt að gera okkur höfuðborgarbúum upp meiri græðgi en landsbyggðarfólki. Nú máttu sjálfur taka til þín orð biskupsins um hóf - í orðavali. Gleðilega páska!